Мектеп тарихы

Ақтөбе облысы Байғанин ауданы Миялы селолық округі Миялы ауылындағы Дияр орта мектебі 1983 жылы Бесбай бастауыш мектебі негізінде құрылған. 1982 жылы елді мекен аумағында жаңадан Дияр совхозы құрылуына байланысты 1983 жылы Дияр негізгі мектеп болып құрылды.

1985-1986 оқу жылында мектеп орта мектеп болып құрылды.

1983-1990 жылдары мектеп директоры болып Қазақ ССР-не еңбегі сіңген мұғалім Ұзақбаев Тасқынбай зейнеткерлікке қалғанға дейін қызмет етті. Алғаш құрылған жылдары қызмет атқарған Шымқаева Сәлима, Құдабекова Камал, Боранов Снадин, Әлжан Құрманғали, Нұртазин Кенжеғали т.б. мұғалімдер Қазақ ССР-іне еңбегі сіңген мұғалімдері болса, бүгінгі таңда, Қуат Ғазиз, Табылдина Балдырған, Жанқылыш Жаңагүл, Қыдыр Степан, Шырын Байғабыл,  Торенова Манаш,  Матжанова Надежда, Жұмалин Мейрамбек, Орынбасаров Жалғас  және т.б. мұғалімдер жас ұрпақтың бойына білім нәрін сіңіруде үздіксіз еңбек етіп келеді.

Алғаш құрылған жылдары 100 балаға арналған бір қатарлы мектеп үйінде 16 педагог қызметкер еңбек етіп бастаса, жылдар өте олардың құрамы әр-түрлі мамандық бойынша жас мамандармен толықтырылып келеді.

1988-1989 оқу жылында мектеп жаңадан салынған жобалық қуаты 360 орындық екі қатарлы типтік ғимаратқа көшірілді.

Мектептің 30 жылдық тарихында Табылдин Тұрлан (1988ж), Жұбанғосов Сәбит (1990ж.) күміс медальге қол жеткізсе, осы жылдар ішінде көптеген шәкірттер «Үздік аттестат», пен «Үздік куәлік» иегері атанып тәуелсіз еліміздің болашағы үшін қызмет атқарып жүр. Сонымен қатар мектептің өз түлектері де бұл кезең ішінде мамандықтыры бойынша ауылға келіп мұғалім болып қызмет етуде.

Мектепте ағаш шеберханасы, медициналық кабинет, асхана, спорт залы жұмыс жасап тұр.

 Мектеп 2012-2013 оқу жылында Ақтөбе облысы білім сапасын бақылау департаменті тарапынан аттесттациядан өткізілді. 2014 жылдың 31 желтоқсанында мектебіміздің атауы Дияр орта мектебі ақын Т.Айбергенов атындағы орта мектебі болып өзгертілді.